Góð líkamleg heilsa er að líða vel í líkamanum og geta gert það sem mann langar til. Eins og að hlaupa rosa hratt eða hoppa hátt. Suma daga erum við betri í því en aðra og það er allt í lagi. Ef okkur líður ekki nógu vel getur það haft áhrif á það sem við getum gert. Ef við erum ósátt við vini eða fjölskyldu getur okkur líka liðið verr í líkamanum. Þá hlaupum við kannski ekki jafn hratt eða hoppum jafn hátt. Ef okkur líður illa er mikilvægt að tala um það við einhvern sem okkur líður vel með. Einnig þurfum við að hugsa um að hreyfa okkur, sofa vel og borða hollt til að líða vel í líkamanum.

Búnaður sem þarf í þessa æfingu er stóll, bekkur eða kassi fyrir hvern nemanda. Við gerum eins margar umferðir og við getum á 2 mín af eftirfarandi æfingum: 5 dýfur á stól 5 hnébeygjur á stól 5x planki og snerta gagnstæða hendi.

Engan búnað þarf í þessa æfingu. Gerum nokkrar jógaæfingar saman. Öndum djúpt fimm sinnum sitjandi á gólfinu. Gerum fettu og kryppu til skiptis og förum svo í snákinn og hundinn sem horfir niður. Endum svo á birninum sem pissar.

Gerum æfingarnar saman í dag. Það þarf engan búnað fyrir æfinguna. Gerum þrjá hringi og 5 endurtekningar af á ganga á tánum, 5 ganga á hælunum, rúlla öxlunum aftur og svo fram endum á því að lyfta herðunum. Klárum æfinguna með 5 hoppum eins langt upp í loft og við getum.

Það þarf engan búnað í þessa æfingu. Gerum eins margar umferðir og við getum á 2 mínútum. Gerum 10 endurtekningar af sprellikörlum, skautahoppum og froskahoppum. Hraði í æfingunum er einstaklingsbundinn og hvíld eftir þörfum.