Verkir geta verið flóknir og komið af mismunandi ástæðum. Til dæmis ef við erum úti að hlaupa og misstígum okkur, þeir geta komið út af slysi. Verkir geta komið ef við hreyfum okkur of mikið eða of lítið eða ef okkur líður ekki nógu vel. Til að koma í veg fyrir verki er mikilvægt að hreyfa sig reglulega, finna sér hreyfingu sem maður hefur gaman að, sofa vel og borða vel. Þannig getum við komið í veg fyrir eða minnkað verki. Ef okkur líður ekki nógu vel eða fáum verki er gott að hafa ráð við því að draga úr verkjum. Eins og að hreyfa sig, sofa og borða vel og tala við einhvern ef okkur líður illa.

Gerum æfingarnar saman í dag. Gerum sex endurtekningar af hverri æfingu og þrjár umferðir. Setjumst á gólfið og byrjum á því að gera hjólamaga, gerum svo bátinn þar sem við ruggum okkur á bakinu og förum svo yfir á magann og gerum bakfettur. Endum æfinguna með því að fara í kanínuna og teygja okkur fram.

Í dag förum við saman í stoppdans. Mælum með að kennarinn kveiki á uppáhaldslagi hópsins og allir fái smá útrás.

Fyrir æfinguna er gott að hver nemandi sé með borð, stól eða aðra upphækkun.Í dag gerum við eins margar umferðir og við getum á 2 mínútum. Gerum fimm endurtekningar af hnébeygjum, armbeygjum á borði eða stól og burpees á borði eða stól. Í burpees setjum við hendurnar á stól eða borð og hoppum aftur í planka og aftur fram áður en við hoppum upp í loft.

Gerum æfingarnar saman svo fylgið myndbandinu. Engan búnað þarf í þessa æfingu. Við byrjum á því að standa á öðrum fæti og færa lausa fótlegginn fram og til hliðanna. Prófum svo að standa á öðrum fæti og loka augunum. Endum æfinguna á því að gera flugvélina.