Þegar við fáum verki getur verið gott að gera aðeins minna af því sem okkur finnst vont í nokkra daga. Ef okkur finnst vont að hlaupa getum við sleppt því í nokkra daga og byrjað svo aftur rólega. Kannski er í lagi að hoppa eða ganga í staðinn fyrir að hlaupa og þá getið þið gert það. Þið megið hlusta á líkamann ykkar og hann lætur ykkur vita. Ef við fáum verki er gott að hugsa um að sofa vel og borða hollt því það hjálpar okkur að minnka verkina.

Til að líða vel í líkamanum og fá minna af verkjum skiptir máli að borða vel og sofa vel. Við sofum vel með því að fara alltaf að sofa á sama tíma og vakna á sama tíma. Hafa rólegheit áður en við förum að sofa og helst ekki að hafa neina skjái í kringum okkur. Við borðum vel með því að borða reglulega, borða það sem okkur líður vel af, borða nóg og drekka nóg af vatni.

Engan búnað þarf í þessa æfingu. Gerum nokkrar jógaæfingar saman. Öndum djúpt fimm sinnum sitjandi á gólfinu. Gerum fettu og kryppu til skiptis og förum svo í snákinn og hundinn sem horfir niður. Endum svo á birninum sem pissar.

Það þarf engan búnað í þessa æfingu. Gerum eins margar umferðir og við getum á 2 mínútum. Gerum 10 endurtekningar af sprellikörlum, skautahoppum og froskahoppum. Hraði í æfingunum er einstaklingsbundinn og hvíld eftir þörfum.

Gerum æfingarnar saman í dag. Það þarf engan búnað fyrir æfinguna. Gerum þrjá hringi og 5 endurtekningar af á ganga á tánum, 5 ganga á hælunum, rúlla öxlunum aftur og svo fram endum á því að lyfta herðunum. Klárum æfinguna með 5 hoppum eins langt upp í loft og við getum.

Búnaður sem þarf í þessa æfingu er stóll, bekkur eða kassi fyrir hvern nemanda. Við gerum eins margar umferðir og við getum á 2 mín af eftirfarandi æfingum: 5 dýfur á stól 5 hnébeygjur á stól 5x planki og snerta gagnstæða hendi.