Ef þið eruð dugleg að hreyfa ykkur getur það hjálpað til við einbeitingum sem þýðir að hafa hugann við það sem við erum að gera. Það getur líka hjálpað til við að læra nýja hluti ef við erum dugleg að hreyfa okkur og auðveldað okkur að leggja hluti á minnið. Ef ykkur finnst erfitt að sitja lengi og einbeita ykkur getur verið gott að fá að standa aðeins upp, hreyfa sig í eina til tvær mínútur og þá verður oft auðveldara að setjast aftur niður og einbeita sér að því sem á að gera ásamt því að auðveldara verður að fylgja leiðbeiningum eftir smá hreyfingu.

Gerum æfingarnar saman í dag. Gerum sex endurtekningar af hverri æfingu og þrjár umferðir. Setjumst á gólfið og byrjum á því að gera hjólamaga, gerum svo bátinn þar sem við ruggum okkur á bakinu og förum svo yfir á magann og gerum bakfettur. Endum æfinguna með því að fara í kanínuna og teygja okkur fram.

Búnaður sem þarf í þessa æfingu er borð eða stóll fyrir hvern nemanda.Í dag gerum við eins margar umferðir og við getum á 2 mínútum. 5 endurtekningar af kálfalyftum með bogin hné, 5 kálfalyftur með bein hné, Förum í plankastöðu og snertum gagnstæða hendi 10 sinnum og endum á tíu axlalyftum.

Gerum eins margar umferðir og við getum á 2 mínútum. Allar æfingarnar eru gerðar við stól eða borð. 10 fjallaklifur, 10 sekúndur í planka og 10 hnébeygjur.

Það þarf engan búnað í þessa æfingu. Gerum eins margar æfingar og við getum á tveimur mínútum. Æfingarnar eru 10 afturstig, 5 hopp og 10 kálfalyftur. Hraði í æfingunum er einstaklingsbundinn og hvíld eftir þörfum.