Til að líða vel í líkamanum og fá minna af verkjum skiptir máli að borða vel og sofa vel. Við sofum vel með því að fara alltaf að sofa á sama tíma og vakna á sama tíma. Hafa rólegheit áður en við förum að sofa og helst ekki að hafa neina skjái í kringum okkur. Við borðum vel með því að borða reglulega, borða það sem okkur líður vel af, borða nóg og drekka nóg af vatni.

Þegar við fáum verki getur verið gott að gera aðeins minna af því sem okkur finnst vont í nokkra daga. Ef okkur finnst vont að hlaupa getum við sleppt því í nokkra daga og byrjað svo aftur rólega. Kannski er í lagi að hlaupa eða ganga í staðinn fyrir að hlaupa og þá getið þið gert það. Þið megið hlusta á líkamann ykkar og hann lætur ykkur vita. Ef við fáum verki er gott að hugsa um að sofa vel og borða hollt því það hjálpar okkur að minnka verkina.

Gerum æfingarnar saman í dag. Gerum sex endurtekningar af hverri æfingu og þrjár umferðir. Setjumst á gólfið og byrjum á því að gera hjólamaga, gerum svo bátinn þar sem við ruggum okkur á bakinu og förum svo yfir á magann og gerum bakfettur. Endum æfinguna með því að fara í kanínuna og teygja okkur fram.

Búnaður sem þarf í þessa æfingu er borð eða stóll fyrir hvern nemanda.Í dag gerum við eins margar umferðir og við getum á 2 mínútum. 5 endurtekningar af kálfalyftum með bogin hné, 5 kálfalyftur með bein hné, Förum í plankastöðu og snertum gagnstæða hendi 10 sinnum og endum á tíu axlalyftum.

Gerum eins margar umferðir og við getum á 2 mínútum. Allar æfingarnar eru gerðar við stól eða borð. 10 fjallaklifur, 10 sekúndur í planka og 10 hnébeygjur.

Það þarf engan búnað í þessa æfingu. Gerum eins margar æfingar og við getum á tveimur mínútum. Æfingarnar eru 10 afturstig, 5 hopp og 10 kálfalyftur. Hraði í æfingunum er einstaklingsbundinn og hvíld eftir þörfum.