Ef við erum dugleg að hreyfa okkur er líklegra að við séum þreytt í líkamanum eftir daginn og frekar tilbúin að slaka á. Þá getur verið auðveldara að sofna á kvöldin og við sofum betur um nóttina. Með bættum svefni vöknum við betur og erum tilbúnari að takast á við næsta dag og líður betur og erum jafnvel tilbúin að fara að hreyfa okkur aftur. Það verður léttara að læra nýja hluti, einbeita sér og okkur líður almennt betur.

Engan búnað þarf í þessa æfingu. Gerum eins margar umferðir og við getum á 2 mínútum. Æfingarnar eru 10 lágar hnélyftur, 10 lágar hnélyftur, tíu hælar í rass og tíu hnébeygjur. Hér þarf ekki að fylgja öllu myndbandinu eftir nákvæmlega. Hvert og eitt vinnur á sínum hraða.

Engan búnað þarf í þessa æfingu. Gerum æfingarnar saman í dag, standið upp og fylgið myndbandinu. Gerum þrjár umferðir af eftirfarandi æfingum, 5 réttstöðulyftur, 5 niðurtog, 5 róður í framhallandi stöðu, 5 sekúndur á öðrum fæti.

Gerum æfingarnar saman í dag. Stöndum upp og byrjum á tíu sprellikörlum eða venjulegum hoppum á staðnum fyrir þau sem vilja. Hoppa fram 5 sinnum því næst 10 hnébeygjur á tánum eða ganga á staðnum á tánum fyrir þau sem vilja.

Búnaður sem þarf í þessa æfingu er borð eða stóll fyrir hvern nemanda.Í dag gerum við eins margar umferðir og við getum á 2 mínútum. 5 endurtekningar af kálfalyftum með bogin hné, 5 kálfalyftur með bein hné, Förum í plankastöðu og snertum gagnstæða hendi 10 sinnum og endum á tíu axlalyftum.