Í dag gerum við æfingarnar saman, engan búnað þarf í þessa æfingu. Byrjum á því að twista alla leið niður í gólf, hlaupum svo á staðnum og endurtökum. Endum á því að poppa eins og poppkorn og frjósa eins og myndastyttur

Gerum æfingarnar saman svo fylgið myndbandinu. Engan búnað þarf í þessa æfingu. Við byrjum á því að standa á öðrum fæti og færa lausa fótlegginn fram og til hliðanna. Prófum svo að standa á öðrum fæti og loka augunum. Endum æfinguna á því að gera flugvélina.

Engan búnað þarf í þessa æfingu. Gerum nokkrar jógaæfingar saman. Öndum djúpt fimm sinnum sitjandi á gólfinu. Gerum fettu og kryppu til skiptis og förum svo í snákinn og hundinn sem horfir niður. Endum svo á birninum sem pissar.

Gerum saman Höfuð, herðar, hné og tær. Kennarinn kveikir á laginu og allir fá létta hreyfingu.

Kennarinn kveikir á laginu Hókí pókí og við hreyfum okkur saman.

Engan búnað þarf í þessa æfingu. Bökum saman pítsu í dag. Leidd hreyfing sem börnin fylgja eftir.

Í dag förum við saman í stoppdans. Mælum með að kennarinn kveiki á uppáhaldslagi hópsins og allir fái smá útrás.

Fyrir æfinguna er gott að hver nemandi sé með borð, stól eða aðra upphækkun.Í dag gerum við eins margar umferðir og við getum á 2 mínútum. Gerum fimm endurtekningar af hnébeygjum, armbeygjum á borði eða stól og burpees á borði eða stól. Í burpees setjum við hendurnar á stól eða borð og hoppum aftur í planka og aftur fram áður en við hoppum upp í loft.

Gerum eins margar umferðir og við getum á 2 mínútum. Allar æfingarnar eru gerðar við stól eða borð. 10 fjallaklifur, 10 sekúndur í planka og 10 hnébeygjur.